今日好好彩，在網上登記抽獎，竟然幸運俾我中到兩張門票，係到雪梨歌劇院
(SYDNEY OPERA HOUSE)睇歌舞表演，呢個係澳洲雪梨市出名地標，好難得機會
可以入去欣賞歌舞，及內部建築，其實可以自費嘅！但票價都嗱脷，我真係唔捨
得咁享受。
今日我所發表係音樂指揮臉目真表情：
您知啦！免費入場券，梗係座埋一邊，唔係座山頂，就座兩邊，自己又唔係名人
紳士，又唔係有權有勢，當然冇中間位座啦！我呢個二打六就座响傍邊最前既位,
表演者我就只可以睇背脊，但-----有一樣相信所有看官都睇唔到，就係音樂指揮
個真表情，大部份人全個演奏都係睇佢背脊，但我就對到正，哈！睇佢表情仲好過
睇表演者，隨着歌曲，音樂，喜怒哀樂，一一在面上表露出嚟，當音韻膨拜時最為
激動，到柔和時，手勢就細水長流，全程投入真係難得難得。偉銓
