今次到訪越南，非常幸運氣候雖然炎熱，但只限於中午時間，晚上轉吹涼風，之前兩次到訪越南，晚上都係熱焗，非常難受，出街唔夠一陣就想返酒店，根本就唔想離開旅館。
我每一次到越南都發現有好大轉變，人越來越多機動車條條街道都塞到水洩不通，兩年前道路正在改善，依家多咗好多行車天橋，及高速公路，到頭屯車程都快咗好多，下六省各城鎮再唔係鄉郊，田野，沿途兩傍住滿居民，路途上都設有休息站，方便長途客小解鬆弛筋骨，洗手間都唔錯，好乾淨，冇嗅味。
過省司機駕駛態度都大大改變，唔似以前頻頻爬頭，驚險萬分，事關交通法例收緊，個個都怕失去駕駛執照，手停口停，唯一混亂在市區之機動車，睇上嚟一囤糟，但又少見有意外發生。服字！
 |
|
 |
|
 |
|
 |
|
 |
|
 |
|
 |
|
 |
|
 |
|
越南民生真係好k型，貪與富真係一天同一地，街邊行乞三餐不飽，我老死境然請我食一餐花去一千四百多萬越幣，一枱十六人，每人一碗魚翅，一隻大頭蝦，兩隻北京鴨兩食，蒸條游水魚，炒幾個菜，埋單嚇我一跳，仲貴過响澳洲食，冇法佢要有頭有面，去埋啲咁高級嘅餐廳，俾人割頸都甘心情願。餐廳叫做海上皇宮，面貢動物園對面，正一謀人寺。
越南真係好多野食，有平有貴，今次去真係食通街，但唔係响街邊食，總之樣樣試，今次學精咗，所有菜類未經煮熟，就一切唔店，總算平平安安，腸胃冇事發生，之前兩次都領野，第二次仲要入醫院添！仲有！食越南餐要用米紙包，我哋要求要自己浸水，自己用礦泉水濕，咁就萬無一失。
 |
|
 |
|
 |
|
 |
|
 |
|
 |
|
 |
|
 |
RUNG CA 唔知有冇人食過，之前在鳴遠學校一帶地區種有好多
|
 |
| 菱角 |
 |
| 木瓜絲 |
.JPG)
 |
| MỐM HUẾ |
 |
| MỐM HUẾ |
 |
| MỐM HUẾ |
 |
| MỐM HUẾ |
 |
| MỐM HUẾ |
 |
| MỐM HUẾ |
 |
| MỐM HUẾ |
 |
| MỐM HUẾ |
 |
| 牛肉粉 PHO HOA |
 |
| BANH CHANH CUA |
 |
| MI QUANG |
 |
| BANH NUOC BANH BEO |
 |
| 我最喜愛嘅大頭蝦 |
 |
商場同外國有得比，分分鐘仲靚過添！
|
日本我第一次到訪，當然每樣事物對我嚟講都係好新鮮，相信看官們大部份人都去過，所以不以為事，我就大驚小怪，就當我得閒過頭，响呢處發吓噏風，當無聊八卦睇好啦！
從一個炎熱，灰塵，不衛生之地區，轉到一個完全相反嘅國家，真係成正比，街上好小見到有垃圾箱，因國民教育好，每人都自動自覺，聽導 遊 小姐講，自己嘅垃圾各人都帶返屋企掉。街上招牌真係五彩十色，卡通像最為凸出，尢其晚上，燈光燦爛，非常耀目。
日本多借用漢字，讀上嚟真係怪怪，有時都唔知係乜意思，估估吓有時都會明白。
日本景色
日本景色
 |
| 送料無料，原來係免費送貨 |
 |
| 人參係紅蘿蔔 |
 |
| 木根係白蘿蔔 |
 |
| 半額係半價 |
响銀座我就遇上驚慌一幕！我呢個懵丙，太大意，又冇記性，導遊呢頭講，望着呢座建築物，我哋呢度落車，三點半集合地點係前面兩條街有座天橋下。
聽完ok掂！全團人散晒，各自揚鏢，狂Shop，買完野，我一眼望，啊！前面幾條街有座天橋，(當時我沒留意，同埋冇方向感，在落車地點係十字路口，原來十字路口四面幾條街後都有天橋，但完全忘記導遊叫認住呢座建築物向前，見前面有座天橋，啱啦！)
到達天橋低先至得三點，仲有半個鐘，咁早，梗係未見團友集合，最攞命係載我哋嘅旅遊巴士停响呢處，仲邊會錯，我咪將買好嘅野放上巴士，司機大哥仲同我笑，我還返一句同佢講亞李亞墮，仲有半個鐘，同太太講不如落車買水飲，點知，買完水返嚟就見架巴士開走，三點半都唔見團友集合，死啦！先知去錯方向，當時失晒魂兩公婆狂跑幾條街，真係醜怪，先跑返落車嘅十字路口，我都六神無主都唔記得邊一面先至啱，好在太太心水清，選啱方向，到達天橋又唔見人，弊！
今次要留底日本做架佬，架婆，好彩在我未起程飛外國時，就叫我仔仔幫我攪掂個電話，可以在外國用，雖然電話費貴，但在緊急關頭可以用上，最慘自己唔知身處地點，講週圍建築特徵導遊又唔明，唯有响路人求助，可惜大部份日本人都唔識講英語，冇法，用身體語言，手指指電話，手指指耳朵，等佢同導遊傾，最終都大團圓結局。
自己心中唔怕蕩失，大不了搭的士返酒店，但唔想因自己嘅大懵，而影响全團人，呢個係我在日本銀座嘅驚。
至於憂又係點，完咗旅行團，我哋一行六人留番响東京三日之後座子彈火車到大板，再停留大板兩晚，日本火車網絡真係好亂，唔知我哋呢班耆英唔夠醒目，又或者真係老懵懂，導遊小姐知道我呢班耆英下一個行程係咁，佢都戥我憂心，六個人十二件一大一細手提行李，佢話唔知我哋點迫上市區火車，子彈火車都唔會有咁多空位俾我哋放行李，佢就提意幫我哋叫酒店將行李轉運，真係好彩，遇上貴人，若冇佢幫忙，我都唔知點收科。
到正式搭日本之公共交通工具，先至領悟到佢嘅擠迫，混亂，記得有日明明所搭之JR路綫有十多卡車，我們上了大約中間卡車，行了一陣，突然發現自己所處之卡車係最尾一卡，那麼初時後面嗰幾卡車去咗邊，完來搭車時在月台上要留意腳下所登車位置，睇有冇自己要座嘅路綫註明，否則分分鐘搭錯車，十幾卡車在某些車站係一樣，但到某一車站，這十幾卡車會分開，前段去西，後段去東，幸好東京方面有居住嘅親人相倍，總算ok。
但座子彈火車到大板就弊家火，要靠自己去摸，從大板車站座JR火車到酒店足足花咗兩三個鐘，六個大鄉理出城，出發前啲細路俾嘅資料又唔齊，真係擔心，邊行邊問，最慘日本人大部份都唔識英文，真係雞同鴨講，日本人都算熱心，佢唔識都肯上網同我揾路綫，指我點行，總共轉咗兩次車用咗兩個鐘先至去到心齋橋。
 |
| 日本火車站 |
 |
| 子彈火車 |
 |
| 佢唔夠我咁哨 |
 |
| 六位神鵰闖大板，(唔叫耆英啦！，叫神鵰好聽啲) |
 |
| 神戶牛柳 200G 要60AUD 切開六，一啖入口就十蚊，真係貴食 |
 |
| 貴就貴未試過都要試吓，其實肥油多過肉，梗係軟腍 |
 |
| 呢盤魚生200AUD，貴都係要試 |
 |
| 每份23AUD，日本餐唔平食，但都食得值，剩係睇個賣相都值回票價 |
 |
| 食得開心，玩得開心，做人更加要開心 |
仲有樣野要提提大家，我哋呢班儍佬又聽人點，到池代 SUNSHINE CITY，樓上有間天滿，佢話係個大圓銀幕在頭頂，睇戲時要瞓响處欣賞，聽落都幾得意，就去見識吓，人到去上面真係有個大銀幕，圓圓蓋晒成個天花，啲凳係可以瞓底到120度，嘩！好舒服，呢幾日瀕瀕箔箔，個人都好赲，咁舒服嘅環境，真係想瞌眼瞓，卒之等到開影，全銀幕漆片一黑，得幾粒星，每個畫面有成七八分鐘停留，全場用日文對白，又冇英文字幕，都唔知佢講乜，大至上介紹各星座，真係悶到抽筋，最慘隻眼好想瞓，但又唔敢瞓，唔知下一幕有乜野睇，唔想走雞，係咁瞓吓醒吓，撐到散場，真係辛苦，早知冇野睇，不如瞓番覺仲好。
哈哈，所以單聲各位，天幕影院唔好試！唔適合啲唔識日文嘅遊客。嘥錢夾贑車。
今次行程總算有驚無險，有開心，有失望，有驚慌，有憂慮，
開心，食咗好多越南日本嘅新款野，又食返三四十年越南嘅舊味度，雞蛋果，Trung ca 菱角。
失望：睇唔到櫻花，睇唔到富士山。
