天津首富天獅集團董事長李金元帶領6500名員工去法國旅遊，震驚了全法國、震驚了全歐洲，震驚了世界。
天獅集
 |
打工仔恨放假出埠玩，而中國天津有直銷公司一共6500個員工，星期三就齊齊飛咗去法國玩，仲要係公司請嘅，係咪聽到你更加牙癢癢呢 ?
天津直銷公司天獅集團為咗慶祝公司成立20週年，5月6日就帶住6500名員工到法國展開豪華4日遊，包咗巴黎140間酒店共4760間房間，被認為是歐洲史上單團人數最多的旅行團。佢哋逼爆百貨公司，「人海戰術」震驚全個歐洲，連外交部長都要親自坐鎮，嚴加戒備。
團員全部身穿藍白色「團服」，先喺巴黎留兩日，參觀羅浮宮和艾菲爾鐵塔，之後就去尼斯同陽光、海灘玩遊戲。佢哋就喺烈日之下排隊砌字，而嗌口號都嗌足2個鐘，當時仲有警察幫手維持秩序。而法國鐵路公司亦專門為呢團中國客增加2列高速列車，又喺巴黎火車站增派一組由12人組成嘅工作小組；至於巴黎嘅老佛爺百貨就為佢哋專門開闢一層樓處理退稅，仲調派埋中國員工前去幫忙。
路透報導，集團董事長李金元估計為此趟旅行花費了1300萬歐元。法國外交部長法畢斯（Laurent Fabius）仲喺星期三同李金元會面。表示呢個係歐洲歷史上單團人數最多嘅一次旅行，有助於低迷嘅法國經濟復甦。不過旅行還沒結束，已有網友喺社交網站爆料，指該企業部分員工喺啟程飛機上飲酒、大聲喧嘩，引起同機乘客不滿。
